مواسم صيد الاسماك والربلات المستخدمة او المفضل استخدامها خلال هذه الفتره

افضل اوقات صيد السمك والمواسم المخصصة له

 مواسم صيد الاسماك والربلات المستخدمة او المفضل استخدامها خلال هذه الفتره

الساده الاعضاء الكرام نظرا لتكرار الاسئلة عن مواسم صيد الاسماك والربلات المستخدمة

 او المفضل استخدامها خلال هذه الفتره ، سوف نقوم بمناقشه الموضوع من عده جوانب

 مع الشرح التفصيلي لكي تكون الامور واضحه وسهله خصوصا للاعضاء الجدد :

ما المقصود بموسم صيد الاسماك :

(كما هو المعتاد بتسمع كلام صيادين كتير بتقول ده موسم مياس ، موسم قاروص ....الخ ):

هيه فتره بتكثر فيها الاسماك وبتكون نشطه وعدائيه وذللك لعده عوامل اهمها التالي :

١- الهجره الي تيارات المياه الدافئه للتزاوج .

٢- تواجد الاسماك التي تتغذى عليها بكثره والجزئ ده انا حابب اشرحو ب التفصيل .

هناك معادله حسابيه وتتبع للاحداث يحدث في وقت معين من السنه وبيكون

هناك عنصر اساسي مسؤل عن هذه المعادله لمعظم الاسماك المستهدفه بطريقه الكاستنج

 وهو ( السردين ) هجره السردين احب الطعوم لجميع الاسماك ، المعادله بتقول :

تواجد اسماك السردين ## يتبعها دخول اسماك مهاجمه ( ميره ، شجاره ،مغازل،دراك،اناشي ،

لمبوكه(حصان)،مياس).

النتيجه من المعادله السابقة :

١- السردين كان نقطه البدايه وقد ادى الى دخول اسماك مهاجمه ( ميره ، مغازل ،شجاره)

٢- المغازل والميره ادت الي تواجد اسماك مهاجمه اكبر ( مياس ، اناشي، دراك)

٣- مواسم الاسماك المهاجمه :

المياس : 

سمكة المياس

 

من شهر ٤ الى شهر ٩ يفضل استخدام ربلات كبيره الحجم من ١١ سم الى ١٨ سم

وتلاحظ هنا ان السمكه ده بيحب الربلات الكبيره لانها اقرب ما تكون الي حجم المغازل ،

 المعالق بريش ابيض للاحجام المتوسطه ظ(قشايط) ، بوبرات من ١٠ الي ١٦ سم

الاناشي : 

سمك الاناشي

 

من شهر ٦ الى شهر ٩

الدراك :

سمك الدراك

 هناك موسمين للدراك الموسم الاول للدراك المتوسط الحجم والتي تتراوح

 اوزانه من ٣ الي ١٠ كيلو من شهر ٤ الي شهر ٧ ويطلق عليه الصيادين ( صواريخ)

 ويفضل استخدام ربلات كبيره الحجم من ١٢ سم الى ١٨ سم

الموسم الثاني من شهر ١٠ الي شهر ٢ وده موسم الامهات الاسماك الكبيره .

الشجاره :

من شهر ٤ الي شهر ٩ يفضل استخدام ربلات من ٩ الي ١٢ سم والمعالق الفضي والذهبي .

الميره : 

 

من شهر ٣ الي شهر ٩ يفضل استخدم ربلات من ٧ الى ٩سم ، والمعالق الفضي والذهبي .

المغازل :

سمك المغازل

 

يوجد لها موسمين الموسم الاول من شهر ٤ الي شهر ٨ الموسم الثاني

 من شهر ١١الي شهر ٢. ربلات من ٥سم الى ١٢ سم

الوقار (١١١) : 

سمك الوقار او سمك الهامور

 

من شهر ٤ الي شهر ٧ يفضل استخدام ربلات غرقانه من ٩ الى ١٢ سم

اللمبوكه ( الحصان) : 

سمك اللمبوكة او الحصان

 

من شهر ٩ الى شهر ٣ يفضل استخدام معالي فضي بريش ابيض وربلات من ٩ الى ١٨ سم

الكبريت(بلميطه) :

سمك الكبريت او البلاميطة

 

 من شهر ٧ الي شهر ١١، افضل طريقه لصيده هيا المعالق

 بجميع الوانها واشكالها وربلات من ٩ سم الى ١٨ سم

القاروص : 

سمك القاروص

 

من شهر ٩ الى شهر ٣ ربلات من ٧سم الى ١٣ سم ، الجرينجو ( بلاك مينو او ساند ايل على سبيل المثال )

اللوت : 

سمك اللوت

 

من شهر ٩ الي شهر ٤ ربلات من ١٢ سم الى ١٨ سم ، جرينجو ( علي شكل تعبان البحر)

الاسماك المهاجمه موجوده طول السنه عشان كده حبيت اوضح كلمه موسم في البدايه ،

 لان في اسماك كتيره مسوطنه وموجوده طول السنه يعني مفيش حاجز ولاميناء في اسكندريه

 مفيش عليه قاروص مثلا الفكره ان السمك بيكون نشط في فترات وبيهاجم الربلات وفي فترات

اخرى بيكون في مرحله تفريغ البيض وعاده الاسماك في هذه الفتره بتكون في مرحله صوم وخمول

 وتكتفي ببعض الطعام الخفيف ولذللك دائما ما تجد ان احسن موسم لصيد الاسماك هوه الفتره

 التي تكون بعد وضع البيض مباشره ،السمكه في هذه الحاله بتكون محتاجه للطعام وفي غايه العدائيه والنشاط .

دائما اعتمد علي الواقعيه وحركه ولون الربلات التي سوف تستخدمها اختار حاجه شكلها

شبيه للطعوم اللي بتهجم عليها الاسماك ، الكاستنج ممارسه ومع الوقت انتي بنفسك حتكتشف

طريقه او حركه معينه بتستفز السمك اكتر وتخليه يهاجم مهما شوفت فديو مصور او قريت

محاضره انتي كده حققت ٥٠٪‏ والباقي حيجي ب الممارسه ، دايما جرب الجديد وغير الوانك

 والمقاسات اللي بتسخدمها لان الموضوع مش قاعده لازم تمشي عليها مش عشان اخد سمكتين

 برابلا يبقى تفضل شغال بيها علي طول وكمان تروح تشتري ٥ او ٦ من نفس الشكل واللون

وتقول شغاله اغيرها ليه ، من ١٠ سنوات كنت بطلع اصطاد مياس علي الوعر والجزر اللي ورى

المنتزه مع صياد كبير ومخضرم وكنت جايب ربلات جديده من امريكا لسه منزلتش مصر ،

المهم ان الصياد الكبير ده بص للرابله وقلي معاك كماشه او بنز ؟؟؟ سؤال غريب ؟؟

 انا قلتلو معايا اتفضل راح كاسر الدفه بتاعت الرابله الجديده وقلي قول بسم الله وارمي !!!

انا طبعا جالي انهيار وازاي نعمل كده انتي بتفهم اكتر من يازوري ورحت شايل الرابله

 اللي كسرها وحطيت وحده جديده بدفه ، اول ما رميت وعرت علي طول ، رحت رامي تاني

مره وعرت بردو وكل ده الراجل ساكت ومبيتكلمش !! بعديها قلي حط الرابله اللي كسرت

الدفه بتاعتها وارمي ، وبعديها ابتدت المجزره سمك ورى بعض ، الفكره ان السمك ماسك تحت

 الوعر ولما تكسر الدفه وترمي فوق الوعر وتلم الرابله بتعوم علي الوش والسمك وراها تعالي انتي رايحه فين ،

المغزي من هذا القصه لراجل صياد بسيط حتي لا بيعرف يكتب ولا يقرأ انه اضاف

 تعديل علي اكبر شركات الطعم الصناعي في العالم لكي يخدم ويحاكي طبيعة البيئه اللي يصتاد فيها .

فديو يوضح طريقة صيد السمك  

 

 

إقرأ المزيـــد

سمكة المياس

سمكة المياس 

سمكة المياس ( السمكة الزرقاء)- Bluefish

البيئة الطبيعية :
سمكة بحرية جوالة أو مهاجرة تعيش في البحار و المحيطات في المناطق الإستوائية و المدارية على عمق حتى 200 متر
تعتبر سمكة هامة في رياضة صيد الأسماك و يتم صيدها بواسطة الطعوم الحية و الصناعية .
تتواجد في المياه الإستوائية و المدارية في المحيطات بإستثناء شرق المحيط الهادي في شرق الأطلنطي تتواجد من سواحل البرتغال إلى جنوب أفريقيا مرورا بالبحرالأبيض المتوسط و البحر الأسود و جزر ماديرا و الكناري و في غرب المحيط الأطلنطي من كندا و برمودة حتى سواحل الأرجنتين , وفي المحيط الهندي على طول الساحل الأفريقي الشرقي و مدغشقر و جنوب عمان و جنوب غرب الهند إلى خليج مالاي و غرب أستراليا , وفي جنوب غرب المحيط الهادي و أستراليا ما عدا المناطق الشمالية و نيوزيلاندا , لا تتواجد في شرق و شمال غرب المحيط الهادي .
تتواجد في المحيطات و البحار و المياه الساحلية و شائعة في مياه الشواطيء و رؤوس السواحل الصخرية و المياه النقية ذات التيارات القوية و النشطة و تتواجد أيضا في المياه الرائقة بطيئة الجريان المياه الضحلة الساحلية على عمق 2 متر على الأقل تتجمع في أسراب تطارد الأسماك الصغيرة و خاصة تجمعات البوري أو السردين , و هي تدمر أعداد كبيرة من أسماك هذه الأسراب أكثر من حاجتها للطعام , و تتغذى على الأسماك و القشريات و السبيط و الكالفناني و تشارك أسماك القرش و المفترسات الأخرى في التواجد .
سمكة مفترسة و عدائية جدا وهناك تقارير تفيد بأنها تعض عندما يتعامل معها في بيئتها الطبيعية , وهى متجولة في أغلب اطوار حياتها و تهاجر للمياه الدافئة في الشتاء و المياه الباردة في الصيف .
تعتبرسمكة جيدة لهواة رياضة صيد الأسماك نظرا لأنها سمكة مقاتلة , سمكة طيبة للأكل
موسم الصيد:
يتواجد المياس طوال العام و لكن يكثر فى فصلي الربيع و الصيف .

أنسب اوقات للصيد:
من العصر لغاية بعد غروب الشمس بساعة تقريبا , ومن قبل الفجر بساعة لغاية شروق الشمس

طرق صيد :
هناك طريقتين لصيد المياس :-
1- و يتم الصيد من القارب و ذالك باستخدام غزل الصنار وهذا يتكون من شعر رقم 100 او 120 وطولة ممكن 200 او 250 متر, و يتم ربط كل 2 او 3 متر صنارة كبيرة في سلك , وبين كل صنارة والثانية رصاصة ( ثقيل ) ويطعم في كل صنارة سردينة كاملة او نص سردينة ويفرد الشعر في الماء و يترك من الليل الى الصباح .
2- باستخدام البوصةو الماكينة 
الشعر المستخدم رقم 40 او 500 بوصة الصيد تكون من نوع ممتاز تتميزبالصلابة , و يتم استخدام صناررقم 1 او 2 باستخدام سلك صلب مخصص لصيد الاسماك ذات الاسنان القوية ,الرصاص متوسط الوزن .
الطعم المستخدم :
الاسماك الصغيرة و يفضل السردين – المرمار–الموزه

منقوووووووول للعلم و الإفادة

إقرأ المزيـــد

طريقة صيد دود البحر لاستخدامة كطعم

طريقة صيد دود البحر لاستخدامة كطعم

فى البداية يجب ان نعلم جميعا ان دود البحر هوة من افضل انواع الاطعمة المستخدمة فى صيد السمك البحرى وذلك لامتيازة بجودة الفائقة وقوتة ولونة الاحمر الرائع وايضا يظل حيا لفترة طويلة جدا وبالطبع لانة طعام بحرى طبيعيى  وايضا يصل طولة من 6 سم الى 16 سم   .

الادوات المستخدمة : 

1-    كوريك حديد

2-    كيس قماش يتعلق على الرقبة

3-    جردل بلاستيك كبير لوضع الدود بة بعد الانتهاء من عملية الصيد

4-    شورت جينز

5-    كوتشى قديم

المكان :

يجب اختيار المكان المناسب بدقة  و الذى يتوافر فية للدود البحرى  وهوة يكون عادة على الشواطى  البحرية الطينية او الرملية المليئة بالصخور البحرية ذات حجم مناسب تقريبا فى حجم بندورة  او بلوك رصيف الطريق .

الطريقة :

لابس الشورت والكوتشى والكيس القماش  ومعانا الكوريك الحديد والنزول الى المية ونبدء بشيل صخرة او ممكن نقلبها علشان منتعبش بسرعة وضرب الكوريك مكان تحت الصخرة اللى قلبناها بالضبط وندوس على راس الجراوف بالكوتشى علشان نغرس راس الجاروف كلها فى الطينة اللى تحت الصخرة ونرفع الكوريك ونسندة على ركبتنا وندور فى الرملة دى براحة حتى لا يتاذى الدود ثم نشطفها بماء البحر ونضعها داخل الكيس القماش اللى على الرقبة وهكذا وقد تستمر العملية لمدة ساعة لاستخراج حوالى ربع كيلو .

يجب مراعة الاتى : عند الانتهاء من عملية صيد الدود يجب شطفة جيدا بماء البحر ووضعة داخل الجردل البلاستيك الملى بماء البحر حتى تستمر الدودة على قيد الحياة . ومن الممكن وضعة بعض من طحالب الماء داخل الجردل بدون ماء او داخل كيس قماش ولكن يجب ان يكون ويستمر مببلاا  اذا كانت منطقة صيد الاسماك بعيدة عن منطقة صيد الدود .

هذة العملية تحتاج الى مجهود بدنى قوى جدا ولكن النتيجة ممتازة جدا جدا جدا

إقرأ المزيـــد

الدود الاسمعلاوى

الدود الاسمعلاوى

كل ماتريد معرفته عن الدود الاسمعلاوى
::::::::::::::::::::::::::::::::::::::
الدود الاسمعلاوى أو الاحمر كما يطلق عليه بالاسماعيليه يعيش في اكتر من بيئه رمليه - طينيه- حتى الصخريه وليس شرط يكون له خرم او اتنين الا لما يكون في التربه الرمليه

وغطاس الدود يعرف كيف يتعامل معاها لأنها ممكن تقطع نفسها وتهرب الرأس داخل التربه فهو يتمكن بحرفيته من مسك رأس الدوده وسحبها بالكامل وتسمى هذه الطريقه التسليك

وهناك طريقه اخرى وهى الغرف او الجرف وتعتمد على غرف كميه من التربه وتنقية الدوده من وسط التراب لا استطيع ان احدد بالضبط غذاء الدود الاحمر لأنه يوجد في أكثر من مكان في رمال صافيه جدا وفي طينه وعليها طبقه من الزرع والقواقع الصغيره وتسمى هذه الطبقه الجلفه ووجد الدود الاحمر في القرص الاسفل للشمندورات بالقناه اى انه يوجد بين الميتين ولكن داخل الحشف الملاصق للعوامه الخاصه بالشمندوره

ولكن من الاكيد ان غذائه له علاقه بالتربه اى انه يمكن يتغذى على الطين والرمل وما به من عوالق وقد شاهدت دود احمر داخل قواقع فارغه وقد قيل انه يقتلها ويلتهم لحمها

المهم يجب التنويه ان الدود الاسمعيلاوى يستخرج من محافظات اخرى غير الاسماعيليه وحتى الان تم استخراجه من السويس (حوض محطة عتاقه - الاتكه - منطقه كانت تسمى الكبانون - مناطق قرب النفق) من بورسعيد (التينه - الكاب - راس العش - الرسوه ) والدوده المستخرجه من بورسعيد تكون لونها قاتم وفي بعض الاحيان أسود

و عموما هناك اراء حول غذاء الدود الاسماعيلاوى وتقول انه بيتغذى بشكل اساسى على اللوجز والبكلويز وهو ده اللى بيرفع نسبة الفوسفور فيه وبيخليه من اشهى الطعوم للاسماك وطريقة اكله للقوقعة انه بيفرز عليها ماده هاضمة وبعدين بيمتص محتواها والمادة دى هيا اللى بتسبب سرعة فساده اذا انقطعت الدودة لتسريب الماده وهيا اللى بتاكل جلد اليد عند الشغل بيه كتير(كأنها مياه نار) والدود الاسماعيلاوى او الاحمر ليه اوقات بنشوفه عايم على وش الميه بالمئات بس حجمه صغير شوية وكأنه مهاجر او بيدور على ارض ينزل فيها .

ومره شفت برنامج فيه واحد اجنبى بيصطاد دود شبه الاسماعيلاوى بس شفاف ورفيع بقطعة سمك مشرحها عشان تعمل ريحة اقوى والدوده اما تطلع تاكلها بيمسكها وبيتهيألى بكده يبقى الدود الاحمر ممكن ياكل السمك الميت واللى خلاه ياكل لوجز يبقى احتمال انه ياكل سمك ميت كبير.

وهو للاسماك ذات الفم الكبير ( الدنيس, القاروص, اللوت,الشراغيش الكبيرة,التيوس) يفضل استخدامه في الليل نظرا للونه الاصفر الفوسفورى ومن الممكن وعن تجربة وضع دودة كاملة في سن كبير (01) كرش مع رصاصة خفيفة (4) بساق طويلة حولى متر يدخل عليك القاروص الكبير (3 كيلو وانت طالع) ,الكلام ده في المعمورة بالليل .

أفضل طريقه لحفظ الدود الاحمر هو ان تاخده من الميه للميه يعنى تشتريه في ميه وتكون الدوده لها راس يعنى ما يكونشى ديل بدون راس وتاخدها وتحطها في صينيه او حاجه واسعه والميه المالحه يادوب مغطيها وفي مكان بارد يمكن تعيش 3 ايام مع تغيير الميه كل ما تصفر او تحمر بس ان وضعت في خيش يبقى خلاص ما تنفعشى تطبق الكلام ده عليها لأن الدوده بتشد وتتلسع من بعض المناطق يعنى بتسود او بتزرق اما الدود الاسمعلاوي يتم اصطيادة من البحيرات يعني مية مالحة وحجمة كبير

والدودة لها ارجل كتيرة ويتهافت عليه اسماك كتير وبيجي في طرد بالحجز الطرد عبارة عن قطعة من الخيش صغيرة مبلله بالماء ملفوفة بورق جرائد للمحافظه علية حيا بعد أن تشتري الطرد الملفوف في خيشة و ورق الجرائد يبلل بماء البحر من عند البائع و يوضع في الرف السفلي للثلاجة لكن الملاحظ أن حاليا أن الطرد قلما يحتوى على الدودة كاملة يعني ممكن تجد نص أو ربع دودة لذلك إفتح الطرد و أنظر فيه و حاول أن تصر أن تكون الدودة كاملة و تتحرك بحيوية كذلك أصبحت قطعة الخيش صغيرة كأنها طابع بريد و دا طبعا لأن من يستخرجون الدود أصبح لا يهمهم جودة البضاعة بقدر إهتمامهم بالمكسب و مع كثرة الصيادين أصبح كله بيتباع
-------------------------
مستخدم ويكيبيديا
الصوره ارشيفيه

إقرأ المزيـــد

كل ما يخص سمك الدنيس

الدنيــــــس

١ - اماكن تواجد الدنيس

سمك الدنيس 
بيحب الوعر (الصخور ) وبيعيش حواليه في مجموعات ,وبيحب برضه الارض الخشنة , يعني لو المكان اللي بترمي فيه مفيش فيه وعر ورملته خشنة (حصى) حتلاقي الدنيس موجود وزي ما قلنا انه بيعيش في مجموعات ودايما بيتحرك في المنطقة في شكل دواير علشان يدور على الاكل ولو اخذت منه واحده وغاب عليك بعد كده متقلقش حيلف ويجيلك تاني ان شاء الله .

٢ - الأدوات اللازمة لصيد الدنيس :

ماكينة او بوصة يد الشعر من رقم40 الى 45 والسنار من رقم 3 الى رقم 6 والأفضل عن تجربة شخصية. ( سنار بكرش قوى ومتين من عند الكبير عماد بحرية أو المحترم محمد شوقي ) رصاص متوسط

٣ -طريقة الربط :ـ

بما ان الدنيس موجود فى قاع البحر يربط السنار اسفل الرصاصة وتكون الرصاصة دائما حرة

٤ - الطعم فى الصيف :ـ

النطاط ـ الجلاجلة ـ الجراية - الدود الاسمعلاوى
الطعم طازجا أفضل واشهي السمكة

٥ - الطعم فى الشتاء :ـ

التكنيات - جمبرى العقر ـ الجندفلى ـ الديدان ـ شرائح السردينيلا

٦ - طريقة الرمى والصيد :ـ

الرمى فى أماكن الوعر ، وعندما تأكل السمكة لاتشد الشعر وأنما أعطيها بوش من الشعر حتى ياخد الامان و يبلع الطعم كى لاتشلح وتترك السنارة واذا كانت السمكة كبيرة لاتتعجل فى اخراجها حتى ترهقها وتخرجها بالهدوء حرصا على سلامة البوصة والشعر والسمكة ويستحسن ان ترمى فى نفس المكان ولما تلاقى مقاومة من السمكة وقف ايدك شوية لغاية ما يبتدي يعافر وبعدين ابداء فى لم الشعر مرة اخرى .
و فيه طريقتين

أ- بالبوصة الماكينة

الشعر الاساسي 40 –الارمه 35 او 30
السلاح(السنارة) لو فيه فليجس في البحر يبقى السلاح نمرة 5 او 4 او 3 بالكتير , ويفضل سنارة بكرش ,ولو بترمي على السمك الكبير يبقى السلاح نمرة 1 او 2 او 3 .
1- ان تكون الارمة مشابهة للارمة على بوصة اليد ولكن اقصر (مثلا 30 سم و45 سم) وتكون تحت الرصاصة .
2-ان يكون السلاحين فوق الرصاصة ولكن على طريقة السبحة بمعنى ان يكون السلاح الاول فوق الرصاصة ويليه السلاح الثانى واطوال الاسلحة ايضا من 25 الى 35 سم
طريقة الربط :ـ بما ان الدنيس موجود فى قاع البحر يربط السنار اسفل الرصاصة وتكون الرصاصة دائما حرة

ب- البوصة العادية (بوصة اليد)وفيها طريقتين :-
أ – الحساس
وهو نفس الصيد بالماكينة بس بالبوصة العادية
ب -الصيد بالفلة وده لازم يكون على عمق , لان الدنيس دايما فى القاع
وبتعمل الشعر الاساسي 35
والارمه 30 او 25
السلاح لا يقل عن نمرة 6
والفروع بتعمل فرع متر وربع والتاني متر 

إقرأ المزيـــد